Peludiño é un hámster que escapou da súa gaiola para vivir aventuras na cidade. Munda é unha rata soñadora que pasa as noites rebuscando no lixo para levar comida aos seus irmáns. Estes dous roedores terán que deixar atrás os seus prexuízos e traballar en equipo para vencer ao temido gato Beche. Xuntos aprenderán que son máis parecidos do que eles pensaban e que as diferenzas fanos especiais. Ao fin e ao cabo… “Todos somos Roedores”
Roedores é un espectáculo familiar con música en directo no que se fomenta a igualdade. A través das aventuras de Peludiño e Munda a infancia achegarase a conceptos como a igualdade de xénero, de oportunidades, social, de dereitos… E comprenderán o valor da amizade, do traballo en equipo e da propia aceptación.
Elenco: Guillermo Carbajo, Laura Míguez, Carlos Álvarez-Ossorio
Dirección: Alex Sampayo
Texto: Alex Sampayo e Borja F. Caamaño
Deseño de iluminación: Carlos Álvarez-Ossorio
Escenografía: Redrum Teatro e Escenoset
Vestiario: Cloti Vaello
Música: Manuel Riveiro
Espazo sonoro: David Machado
Ilustracións: Rodrigo Chao
Nomeado na categoría de Mellor Espectáculo Infantil nos Premios de Teatro María Casares.
Sheyla Fariña nomeada na categoría de Mellor Actriz Protagonista nos Premios de Teatro María Casares.